Skip to main content

Posts

Showing posts from December, 2021

زمانہ بڑے شوق سے سن رہا تھا ہمیں سوگئے داستاں کہتے کہتے

عندلیبان ریاض رسول ﷺ میں سے ایک اور خوش نوا ،خوش ادا ثناخواں خالد حسنین خالد اپنے عشق اور اپنی پڑھت کے جاوداں رنگ بکھیر کے اس بارگاہ میں جا پنہچا جہاں ہم سب کو جانا ہے کسی کو آگے کسی کو پیچھے ۔ الفاظ ساتھ نہیں دے رہے کہ کیا کہا جائے اور کیسے کہا جائے ان لاکھوں چاہنے والوں کو پرسہ کیسے دیا جائے جو اس کی زبان سے اللہ اور اس کے محبوب کا ذکر سن کر شاد ہوتے تھے ۔ دل سے اٹھنے والی ہر آہ اور آنکھ سے جاری ہرآنسو سراپا دعا ہے ۔ یارب العالمین اپنے حبیب کے اس عظیم ثناخواں کا سفر آخرت آسان فرمااور اس کے ساتھ کرم والا معاملہ فرما آمین۔

ہم سب کا خان صاحب *اشرف خان*

  تحریر سعید جان بلوچ جس طرح اداکار محمد علی فلمی دنیا میں اپنی اداکاری کی وجہ سے جانے جاتے ہیں اسی طرح سندھ کے بڑے شہر حیدرآباد سے براستہ اسلام آباد کراچی آنے والے نامور صحافی اشرف خان انگریزی صحافت میں ایک بڑے صحافی کے طور پر جانے پہچانے جاتے ہیں ۔حیدرآباد کے پوش علاقے لطیف آباد میں جنم لینے والے اشرف خان نے سندھ یونیورسٹی سے اکنامکس میں ایم اے کرنے کے بعد صحافت کے میدان کا انتخاب اس لیے کیا کہ وہ اپنی رائے کی اظہار کی آزادی چاہتے تھے وہ جس وقت سندھ یونیورسٹی میں زیر تعلیم تھے اس وقت ایم۔کیو۔ایم ایک نئی مضبوط سیاسی جماعت بن کر ابھر رہی تھی حیدرآباد کے نوجوان تیزی سے ایم۔کیو۔ایم کی جانب راغب ہو رہے تھے اشرف خان کے دوستوں نے کافی کوشش کی کہ وہ کسی طرح ان کو بھی "ساتھی بھائی" بنالیں لیکن اشرف خان کی منزل "جی بھائی "نہیں بلکہ مظلوم و محکوم لوگوں کی کے لئے ایک آواز بلند کرنا تھا جس کے لئے انہوں نے سیاست کے بجائے صحافت کے میدان کا انتخاب کیا ۔ ممتاز پاکستانی فلمی اداکار محمد علی اور اشرف خان میں قدر مشترک بات یہ ہے کہ دونوں دراز قد اور ایک ہی شہر سے تعلق رکھتے ہیں